2023 оны 05-р сарын 3-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 11.6-13.3 градус   дулаан,   агаарын  хамгийн  их  температур 23.5-27.8 градус дулаан,  хамгийн бага  температур -5.5 градус хүйтэнээс 0.1 градус дулаан. Хөрсний дундаж температур  15.4-20.9 градус дулаан,  хамгийн  их  температур  38.4-57.4 градус дулаан,  хамгийн  бага  температур -1.9-5.4 градус  хүйтэн байлаа.

Хур тунадастай өдрийн тоо, тунадасны хэмжээ:  Сүхбаатар, Орхон, Мандал, Баруунбүрэн, Зэлтэр,  сумдын нутгаар  8.9-15.4мм, бусад сумдын нутгаар 1.8-5.4мм тунадас 1-5 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол,  Ерөө, Орхонтуул, Цагааннуур, Мандал, сумдын нутгаар салхи 15-20м/с бусад сумдын нутгаар 11-14м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл 5-дугаар сарын 31-ны байдлаар ургамлын  ургалт 40 хувьд нь Цагааннуур, Сүхбаатар, Ерөө, Орхон, Зүүнбүрэн, Түшиг, Шаамар, Жавхлант  сумдын нутгаар  сайн, 60 орчим  хувьд дунд, ургамлын дундаж өндөр 3-6см, бэлчээрийн ургац Сүхбаатар, Ерөө, Орхон,  Орхонтуул, Мандал, Зүүннбүрэн, Түшиг  сумдын нутгаар 0.1-3.0ц/га, бусад сумдын нутгаар  ургац тодорхойлох боломжгүй байлаа.

Улаанбуудайн ургалтын байдал ихэнх сумдын нутгаар сайн, Цагааннуур сумын нутгаар соёололт, Баянгол, Орхон, Орхонтуул, Ерөө сумдын нутгаар цухуйлтын үе шатанд орсон 

Хөрсний чийгшил: 0-20см-ийн гүнд Орхонтуул, Орхон сумдын нутгаар хангалтгүй, Баянгол дунд,  Ерөө, Цагааннуур сумдын нутгаар  хангалттай, 0-50,0-100см-ийн гүнүүдэд Баянгол, Орхонтуул, Орхон сумдын нутгаар дунд, Ерөө,Цагааннуур сумдын нутгаар хангалттай  байна

Бэлчээрийн талбайн: 0-20 см-ийн гүнд Орхон, Баянгол Ерөө сумдын нутгаар чийг хангалтгүй,0-50, 0-100см-ийн гүнүүдэд  Орхон, Баянгол, Ерөө сумдын нутгаар дунд байлаа.  

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, мал оторлох,  бог, бод  мал төллөх, мал хээлтүүлэх, газар тариаланд төмс, хүнсний ногоо тариалах, үр суулгах  ажилууд явагдаж  байна.